СУРУНКАЛИ ЮРАК ЕТИШМОВЧИЛИГИ ТУРЛИ ФЕНОТИПЛАРИДА ЭНДОТЕЛИАЛ ГЛИКОКАЛИКС ВА КАРДИОРЕНАЛ ФИБРОЗ ҲОЛАТИНИНГ ТАҲЛИЛИ

Abstract

Сўнгги йилларда эндотелиал гликокаликс (ЭГК) дисфункцияси юрак ва буйракдаги фиброз жараёнларининг муҳим патогенетик бўғини сифатида қаралмоқда. Ушбу мақолада СЮЕ нинг турли фенотипларида гликокаликс деградациясининг кардиоренал фиброз ривожланишига таъсири таҳлил қилинди. Маълумки, оксидловчи стресс, яллиғланиш ва гемодинамик ўзгаришлар ЭГК зарарланишига олиб келади. Ушбу жараён миокард ва буйрак тўқималарида фибробластлар фаоллашувини кучайтириб, экстрацеллюляр матрикс тўпланишига сабаб бўлади. Натижада юрак ва буйрак фаолиятининг кескин ёмонлашиши кузатилади. Гликокаликс билан боғлиқ биомаркерлар, жумладан синдекан-1, фиброз жараёнларини эрта аниқлаш ва касаллик оқибатини баҳолашда ҳамда даволашни такомиллаштиришда ва кардиоренал асоратларни олдини олишда муҳим аҳамиятга эга.