SURUNKALI YURAK YETISHMOVCHILIGI BO‘LGAN BEMORLARDA MIOKARD REMODELLANISHI VA ENDOTELIAL DISFUNKSIYA BIOMARKERLARI

Annotatsiya

Chap qorinchaning chiqarish fraksiyasi pasaygan holdagi surunkali yurak yetishmovchiligi bilan og‘rigan bemorlarda miokard remodelatsiyasi, endotelial disfunksiya va angiogenez biomarkerlari darajasini baholashga qaratilgan tadqiqot o‘tkazildi. Tadqiqotga ishemik etiologiyali surunkali yurak yetishmovchiligi bo‘lgan 96 nafar bemor kiritildi. Bemorlar NYHA funksional sinfiga muvofiq guruhlarga ajratildi: II sinf (n=44) va III sinf (n=52). Barcha bemorlarda chap qorinchaning chiqarish fraksiyasi va global uzunlamasi deformatsiyasi (GLS) baholangan holda exokardiografik tekshiruv o‘tkazildi, shuningdek sST2, endotelin-1 va VEGF darajalari immunoferment tahlil usulida aniqlandi. Surunkali yurak yetishmovchiligi progressiyasi davomida o‘rganilgan biomarkerlar darajasining ishonchli oshishi kuzatildi. III funksional sinfdagi bemorlarda sST2 darajasi 44,28±7,61 ng/ml ni tashkil etgan bo‘lsa, II sinfda 33,94±5,39 ng/ml ni tashkil etdi (p<0,001); endotelin-1 mos ravishda 3,45±0,64 va 2,73±0,49 pg/ml (p<0,001); VEGF esa 242,52±46,38 va 209,04±55,98 pg/ml (p=0,0005) ni tashkil etdi. Biomarkerlar darajalari bilan miokardning struktur-funksional holati ko‘rsatkichlari o‘rtasida statistik ahamiyatli korrelyatsiyalar aniqlandi: sST2 bilan chap qorinchaning chiqarish fraksiyasi o‘rtasida manfiy bog‘liqlik (r=−0,46), GLS bilan esa ijobiy bog‘liqlik (r=0,41) qayd etildi. Xuddi shunday bog‘liqliklar endotelin-1 uchun ham kuzatildi. VEGF darajasi miokard funksiyasi ko‘rsatkichlari bilan o‘rtacha darajada bog‘liq bo‘lib, angiogenezning kompensator mexanizmlari faollashganligini aks ettiradi. Olingan natijalar sST2, endotelin-1 va VEGF darajalarining oshishi surunkali yurak yetishmovchiligi og‘irlashishi va miokard remodelatsiyasi progressiyasi bilan bog‘liq ekanligini ko‘rsatdi. Ushbu biomarkerlarni kompleks baholash SYuY bilan og‘rigan bemorlarda xavfni stratifikatsiya qilish va kasallik og‘irligini baholash uchun istiqbolli usul sifatida qaralishi mumkin.