СУРУНКАЛИ ОБСТРУКТИВ ЎПКА КАСАЛЛИГИДА КОМОРБИД ҲОЛАТЛАР ЭРТА ДИАГНОСТИКАСИ, ПРОГНОЗЛАШ ВА РЕАБИЛИТАЦИЯНИНГ ЗАМОНАВИЙ ЁНДАШУВЛАРИ

Abstrak

Ушбу мақолада СОЎК билан касалланган беморларда учрайдиган асосий коморбид ҳолатлар (юрак-қон томир тизими касалликлари, метаболик синдром, қандли диабет, ўпка гипертензияси ва бошқалар)нинг эрта диагностика имкониятлари таҳлил қилинган. Замонавий инструментал ва лаборатор текширув усуллари, шу жумладан спирометрия, эхокардиография, биомаркерлар (NT-proBNP, С-реактив оқсил ва бошқалар) асосида прогнозлаш мезонлари кўриб чиқилган.

Шунингдек, СОЎК билан оғриган беморларда комплекс реабилитация ёндашувлари, жисмоний реабилитация, нафас машқлари, медикаментоз терапия ва индивидуал профилактик чоралар самарадорлиги ёритилган. Коморбид ҳолатларни эрта аниқлаш ва комплекс бошқариш беморларнинг ҳаёт сифатини яхшилаш ҳамда ўлим кўрсаткичларини камайтиришга хизмат қилади. Тадқиқот натижалари СОЎКда коморбид патологияларни бошқаришда мультидисциплинар ёндашув зарурлигини тасдиқлайди.

Калит сўзлар: сурункали обструктив ўпка касаллиги, коморбид ҳолатлар, эрта диагностика, прогнозлаш, реабилитация, NT-proBNP, спирометрия.