СУРУНКАЛИ ЮРАК ЕТИШМОВЧИЛИГИДА БУЙРАК ДИСФУНКЦИЯСИНИ ЭРТА ТАШХИСЛАШДА АЙРИМ БИОКИМЁВИЙ ЎЗГАРИШЛАР ВА ЭНДОТЕЛИАЛ ГЛИКОКАЛИКС МАРКЕРЛАРИНИНГ АҲАМИЯТИ

Abstract

Сурункали юрак етишмовчилиги (СЮЕ) мавжуд беморларда буйрак функцияси пасайиши кардиоренал синдром, тизимли яллиғланиш ва эндотелиал дисфункция ривожланиши билан боғлиқ бўлиб, ушбу ўзгаришларни эрта аниқлаш муҳим аҳамиятга эга.

Мақсад: СЮЕ II–III функционал синф мавжуд беморларда коптокчалар фильтрацияси тезлиги (ҳКФТ)га боғлиқ ҳолда биокимёвий, яллиғланиш ва эндотелиал дисфункция маркерларининг ўзаро боғлиқлигини баҳолаш.

Материал ва услублар: Тадқиқотга юрак ишемик касаллиги ва артериал гипертензия негизида ривожланган СЮЕ мавжуд 100 нафар бемор жалб қилинди. Беморлар цистатин-С асосида ҳисобланган ҳКФТ кўрсаткичларига кўра икки гуруҳга ажратилди: ҳКФТ 60–90 мл/дақ/1,73 м² (n=50) ва ҳКФТ >90 мл/дақ/1,73 м² (n=50). Барча беморларда цистатин-С, NT-proBNP, интерлейкин-6, α-ўсма некроз омили, гепарансульфат ва синдекан-1 кўрсаткичлари текширилди.

Натижа: ҳКФТ 60–90 мл/дақ/1,73 м² бўлган беморларда цистатин-С, NT-proBNP, интерлейкин-6, гепарансульфат ва синдекан-1 даражалари ишончли юқори эканлиги аниқланди (p<0,001). Цистатин-С асосида ҳисобланган КФТ мос равишда 72,9±1,3 ва 101,8±1,3 мл/дақ/1,73 м² ни ташкил қилди. Олинган натижалар буйрак функцияси пасайиши СЮЕда тизимли яллиғланиш ва эндотелиал дисфункция, хусусан гликокаликсдаги ўзгаришлар кучайиши билан боғлиқ эканлигини кўрсатди.

Калит сўзлар: сурункали юрак етишмовчилиги, коптокчалар фильтрацияси тезлиги, цистатин-С, NT-proBNP, интерлейкин-6, эндотелиал дисфункция, гепарансульфат, синдекан-1.